21.05.2012
Bidh coimhearsnachdan gnìomhachais is rannsachaidh acadaimigich na h-Alba a' tighinn còmhla aig Taigh an Ròid air Dihaoine (25 Cèitean) gus deasbad air ciamar as fheàrr a thèid Alba an-sàs ri molaidhean Fàire 2020 aig an AE. 'S e amas Fàire 2020 ach suidheachadh an AE a neartachadh a thaobh saidheans agus ceannasachd ann an raon tionsgalach le ùr-ghnàthachadh tro chur-an-seilbh ann am prìomh raointean teicniceach, cothrom nas fheàrr air calpa, agus taic do Ghnìomhachasan Beaga 's Meadhanach (GBMan).
Enhanced with Microsoft Silverlight
Watch a short video interview with designer Felix Chabluk Smith Further information and related videos
Chaidh a' chùis a chur air dòigh leis a' Chomataidh Eòrpach is Dàimhean Taobh-a-Muigh, a tha an-dràsta fhèin a' sgrùdadh Fàire 2020. Tha e mar amas na comataidh aire a tharraing do na cothroman a tha ann do dh'Alba agus cothrom a thoirt dol an lùib lìonra a bhrosnaicheas tuilleadh co-obrachaidh a thaobh a bhith a' faighinn pròiseactan is smaointean ùra a-steach don mhargadh, mar gum biodh.
Agus i a' bruidhinn ron tachartas thuirt Neach-gairm na Comataidh, Cairistìona Nic Shealbhaich, BPA:
"Bheir Fàire 2020 gach maoineachas Eòrpach a thaobh rannsachaidh is ùr-ghnàthachaidh còmhla taobh a-staigh prògram singilte le moladh gum bi buidseat de dh'aon €80bn ann airson 2014-2020. Tha ar Comataidh airson a bhith ag obrachadh cuide ri Riaghaltas na h-Alba, ri gnìomhachasan 's ris a' choimhearsnachd acadaimigeach gus dèanamh cinnteach gun gabh iad làn-chothrom air a' chothrom a thaobh maoineachadh Fàire 2020.
"Bidh ar co-labhairt mar chothrom dol an lùib lìonra far am bithear a' co-roinn deagh-chleachdaidhean. Tha an fheadhainn a tha an-sàs sa leithid a ghnìomhachasan air innse dhuinn cho cudromach is a tha seo. Bidh seiseanan ann mu dheidhinn ciamar a gheibhear rudan ùra gu margadh, agus - rud cudromach - ciamar a ghabhar làn-chothrom air na cothroman maoineachaidh a tha ann. 'S e amas Fàire 2020 rudan tarraingeach ann an raon saidheans a thionndadh gu bhith mar stuthan-reice is mar sheirbheisean ùr-ghnàthaichte a bheir cothrom gnìomhachais do dhaoine."
'S iad an fheadhainn a bhios a' labhairt:
· Marion Dewar, Ball de Chaibineat a' Choiminiseir Maire Geoghegan-Quinn, Coimiseanar Rannsachadh, Ùr-ghnàthachadh is Saidheans, far a bheil i freagrach às Suaicheantas Iomairt Aonadh na h-Ùr-ghnàthachais, cho math ri Raon Rannsachaidh na h-Eòrpa.
· Iain Swinney BPA, Rùnaire a' Chaibineit airson Maoin, Fastachd agus Fàs Leantainneach.
· David Willetts BP, Ministear Stàite airson Oilthighean is Saidheans.
Dèiligidh na seiseanan ri:
1. Dùnadh na bèirn eadar rannsachadh is gnìomhachas: a' faighinn smaointean ùra gu margadh.
2. Ùr-ghnàthachas Maoineachaidh: a' rannsachadh chothroman ùra.
3. Dol seachad air 'na h-àbhaistich': a' toirt dhaoine ùra tàlantach a-steach don t-siostam.
4. Ròl Riaghaltais: a' cur às do chus biurocrasaidh agus a' faighinn luach an airgid.
5. Mar a bhuannaichear co-fharpais maoineachaidh.
Cùl-sgeul
Sgrùdadh Fàire 2020: Tha a' Chomataidh Eòrpach is Caidreamh Taobh-a-Muigh air beachdan a shireadh o na buidhnean is na daoine fa leth air am bi buaidh aig molaidhean Coimisean na h-Eòrpa a thaobh leantainn air adhart le Fàire 2020, a tha a' gabhail àite Prògram Frèama 7 airson Rannsachadh is Leasachadh Teicniceach (PF7).
Dh'fhoillsich an Coimisean a mholaidhean a thaobh Fàire 2020 air 30 Samhain 2011. 'S e Fàire 2020 ach innleachd maoineachaidh le buidseat de €80bn a chaidh a mholadh. Tha e stèidhichte mar gum biodh air trì prìomh cholbhan aig a bheil na h-amasan seo a leanas:
- Neartachadh suidheachadh an AE ann an saidheans ("SàrShaidheans" - le buidseat de €25bn molta).
- Neartachadh ceannasachd san raon tionsgalach le ùr-ghnàthachadh tro chur-an-seilbh ann am prìomh raointean teicniceach, le tuilleadh cothrom air calpa 's air taic airson GBMan ("Ceannasachd Tionsgalach" - €18bn).
- A' cur aghaidh air mòr-cheistean mar atharrachadh sìde, leasachadh ann an còmhdhail is so-ghluasad leantainneach, a' dèanamh lùths ath-nuadhaichte nas saoire ri cheannach, a' dèanamh cinnteach gum bi biadh sàbhailte tèarainte, agus a' dèiligeadh ri mòr-shluagh a tha a' fàs nas sine ("Dùbhlain a thaobh an Comann-dhaoine" - €32bn).
Contact Information
Media
Committees
Public information
- Telephone: 0800 092 7500
- Textphone users can contact us on 0800 092 7100
- We also welcome calls using the Text Relay service
- Text message: 07786 209888
- sp.info@scottish.parliament.uk
You can also follow us on twitter @scotparl