26.06.2012
Tha Comataidh Foghlam is Cultar aig Pàrlamaid na h-Alba gu bhith a’ sgrùdadh modhan cho-dhùnaidh a thaobh cuin a bu chòir dhaibh clann a thoirt air falbh bho na dachaighean aca fhèin, no ma tha adhbhar ann a bhith gan toirt air falbh idir.
Ri linn an rannsachaidh a’ chur a’ Chomataidh air chois bho chionn ghoirid, a dhèilig le ìrean adhartais na cloinne a tha fo chùram, a thaobh foghlaim, dh’fhàs e follaiseach gu bheil a' chlann sin a tha fo chùram, gu h-àraidh an fheadhainn a tha fhathast anns an dachaigh, a’ tuiteam air dheireadh san t-siostam foghlaim. As dèidh an rannsachaidh seo, nì a’ Chomataidh sgrùdadh mionaideach, a’ faighneachd a bheil na co-dhùnaidhean a bhios a’ buntainn ri cùram a’ toirt a' chothroim as fheàrr do fheadhainn den chlann as so-leònte ann an Alba soirbheachadh anns an àm ri teachd.
Thuairt Neach-gairm na Comataidh, Stiùbhart Maxwell BPA, is e a’ cur an rannsachaidh air bhog fhad ‘s a bha e a’ tadhail Seirbhis Dhaltachd na h-Alba aig Barnardo’s:
“Chan eil an rannsachadh a tha seo mu dheidhinn a bhith a’ ruith gus ar beachdan a thoirt seachad air na siostaman a tha againn an-dràsta. Tha e mu dheidhinn a bhith a’ faighneachd na ceistean doirbhe, gus am bith sinn cinnteach gu bheil na siostaman a tha seo ag obair dha-rìreabh as leth na cloinne agus na teaghlaichean aca.
“Bheir a’ chomataidh againn sùil mionaideach air na pròiseasan an lùib a bhith a’ tighinn gu co-dhùnadh gus pàisde a thoirt air falbh bho dhachaigh an teaghlach aca agus a’ gabhail beachd air dè cho co-chòrdail ‘s a tha na modhan cho-dhùnaidh a tha seo air feadh na dùthcha. Is e seo an dòigh a-mhàin airson a bhith air leth cinnteach gu bheil sinn a’ tighinn gu na co-dhùnaidhean as fheàrr as leth nam pàistean sin ann an cunnart bho dhroch-làimhseachadh agus dearmaid.”
Tha a’ chomataidh an dòchas teisteanasan a’ chluinntinn bho luchd-obrach eòlach san raon seo, còmhla ri feadhainn aig a bheil eòlas pearsanta de siostam-chùram na h-Alba.
Am measg nan ceistean as cudromaiche a dh’fhaighnicheas a’ chomataidh ri linn an rannsachaidh, gabhaidh iad beachd air:
- Ma tha modhan cho-dhùnaidh air fad na dùthcha co-chòrdail neo nach eil;
- Ma tha cùisean airson cunnairt sònraichte ‘s am bith ann a-thaobh na pàrantan, mar eisimpleir ma tha iad a’ mi-ghnàthachadh drogaichean neo deoch làidir, a’ bheireadh gu bith ro-bheachd gum bu chòir dhaibh a phàisde a thoirt air falbh bhon dachaigh;
- An ìre aig a bheil dìth goireasan agus cnapan-starra eile a’ bualadh modhan cho-dhùnaidh a-thaobh a bhith a cur clann fo chùram;
- Ma tha gu leòr ùine ann airson a bhith a’ tighinn gu co-dhùnadh ann a diofar suidheachaidhean.
Cùl-fhiosrachaidh
Is e amasan rannsachadh ùir na comataidh:
- na modhan cho-dhùnaidh an lùib a bhith a’ dearbhachadh am bu choir do sheirbhisean-chùram pàisde a thoirt air falbh bhon dachaigh aca agus dha chur fo chùram a’ thuigsinn;
- air a bhith a’ dearbhachadh ma tha na pròiseasan a tha seo a’ coileanadh na builean a bhios as fheàrr airson na cloinn fhèin agus na teaghlaichean aca.
Ri linn an rannsachadh mu dheireadh, mu dheidhinn adhartais chloinne fo chùraim a-thaobh an cuid foghlam, fhuair a’ chomataidh a-mach ged a tha 56% de dhaoine òga a dh'fhàgas sgoil a' toirt a-mach còig no barrachd theisteanasan, chan eil ach 4.7% den fheadhainn a tha fo chùram ann an àiteachan eile seach san dachaigh, agus 0.5% a tha fo chùram anns an dachaigh, a' toirt a-mach nan toraidhean ceudna. Gheibhear lethbhreac den chunntas seo aig:
http://www.scottish.parliament.uk/parliamentarybusiness/CurrentCommittees/51538.aspx
Is e 28 den Lùnasdal an latha mu dheireadh airson ur beachdan a chur a-steach.
Ma ghabhas e a dhèanamh, bu chòir beachdan a chur ann an cruth dealanach agus ann an riochd MS Word gu: ec.committee@scottish.parliament.uk
Faodar ur beachd a chur a-steach ann an cruth cruaidh gu:
Education and Culture Committee
T3.40
Scottish Parliament
Edinburgh EH99 1SP
Tha tuilleadh fiosrachadh mu dheidhinn rannsachadh a’ Chomataidh ri lorg air an duilleag a tha seo:
http://www.scottish.parliament.uk/parliamentarybusiness/CurrentCommittees/29800.aspx/CurrentCommittees/29800.aspx
Contact information
Media information
Committee information
Public information
- Telephone: 0800 092 7500
- Textphone users can contact us on 0800 092 7100
- We also welcome calls using the Text Relay service
- Text message: 07786 209888
- sp.info@scottish.parliament.uk
You can also follow us on twitter @scotparl