10.12.2012
Tha Comataidh an Ionmhais air fàilte a chur air an tasgadh chalpach a tha Riaghaltas na h-Alba a’ toirt seachad ann am buidseat na bliadhna seo, san aithisg aice air Dreachd Buidseat 2013-14 a chaidh fhoillseachadh an-diugh.
Enhanced with Microsoft Silverlight
Watch a short video interview with designer Felix Chabluk Smith Further information and related videos
Tha an co-dhùnadh seo air a bhonntachadh air an sgrùdadh a chuir Comataidh an Ionmhais feuch a bheil na tàbhachdan a thaobh caiteachais ann an Dreachd Buidseat 2013-14 a rèir a’ chuideim a chuir Riaghaltas na h-Alba air cur ri fàs seasmhach.
Tha bruthadh nach beag air ionmhas fhathast agus tha a’ Chomataidh mothachail gu bheil e na dhùbhlan mòr fhathast do Riaghaltas na h-Alba na rùintean a thaobh a’ bhuidseit aige a chumail san t-suidheachadh seo.
Rinn a’ Chomataidh sgrùdadh air caochladh raointean a dh’èirich ri linn nan seiseanan-fianaise aice, nam measg; tasgadh calpach; “taghadh bhuannaichean” ann an eaconamaidh na h-Alba; cothrom air calpa; taghadh; bann-leathann; ath-ùrachadh; sgilean is cosnadh; teachd-a-steach aig ìrean neo-dhachaigheil agus fastadh anns an roinn phoblaich.
Thuirt Neach-gairm na Comataidh Coinneach Gibson BPA:
“Tha sinn a’ cur fàilte air a’ chuideam a chuir Riaghaltas na h-Alba air an ìre as motha de thasgadh calpach nuair a tha srianadh mòr mòr ris a’ bhuidseat. A dh’aindeoin sin, tha sinn cuideachd den bheachd gu bheil feum air barrachd soilleireachaidh an dà chuid mun tasgadh a bharrachd a nithear agus mun taic a chuirear ri pròiseactan calpach.”
“Tha sinn cuideachd ag iarraidh barrachd sgrùdaidh air a’ cheangal eadar tàbhachdan is toraidhean Riaghaltas na h-Alba a thaobh caiteachas. Gu sònraichte, bu mhath leinn sgrùdadh air na cosgaisean is buannachdan a bheireadh an cuibhreann a chuireas na tàbhachdan a thaobh caiteachais ri fàs eaconamach seasmhach.”
Dh’iarr a’ Chomataidh air Riaghaltas na h-Alba freagairt a thoirt air na puingean a leanas:
- Beachdachadh air barrachd maoineachaidh airson taigheadais air an ruig daoine, nam b’ e gum biodh cothrom air barrachd ghoireasan.
- Ùrachadh bliadhnail a thoirt mu adhartas, mar chaomhnadh a gheibhear mar bhuil air na molaidhean ann an Ath-sgrùdadh MhicIllFhaolain (McLelland) a chur an gnìomh.
- Raointean far a bheil Alba air thoiseach a shònrachadh is a chur air adhart agus mar as urrainnear comas na h-Alba mar bhrannd air thoiseach a thaobh bidhe is deoch a thoirt a-mach.
- An deach beachd a ghabhail air tàbhachd a chur air cothrom air an eadar-lìon air feadh na h-Alba seachd tàbhachd air cothrom air an Lìon aig astar àrd?
- Ùrachadh a thoirt mu thoraidhean sam bith a rèir Bharnett ag èirigh air leasachadh air sochair agus mar a tha e san amharc aig Riaghaltas na h-Alba an riarachadh.
Cùl-fhiosrachadh
Chaidh Dreachd Buidseat 2013-14 fhoillseachadh le Riaghaltas na h-Alba air 20 Sultain 2012. Tha an aithisg seo bho Chomataidh an Ionmhais a’ sealltainn an sgrùdaidh air na molaidhean ann an dreachd a’ Bhuidseit, a’ gabhail a-steach caochladh mholaidhean rim beachdachadh le Riaghaltas na h-Alba mus tèid Bile a’ Bhuidseit fhoillseachadh anns an Fhaoilleach 2013.
Fhuair Comataidh an Ionmhais beachdan bho gach comataidh-cuspair, Comataidh Co-ionannachd Chothroman agus Comataidh Cheanglaichean air an Taobh-a-Muigh.
Thèid an deasbad mu aithisg na Comataidh air an dreachd den bhuidseat a chumail air an t-seachdain ron Nollaig.
Read the report
Read the full report
Contact information
Media information
Committee information
Public information
- Telephone: 0800 092 7500
- Textphone users can contact us on 0800 092 7100
- We also welcome calls using the Text Relay service
- Text message: 07786 209888
- sp.info@scottish.parliament.uk
You can also follow us on twitter @scotparl