08.04.2013
Ri linn dhi tadhal air Pittsburgh mar chuid de chlàr Seachdain na h-Alba aig Pàrlamaid na h-Alba, fhuair an t-Oifigear Riaghlaidh am Fìor Urramach Tricia Marwick, air dheis, Bonn- comharrachaidh Ceud Bliadhna bho Sybil Veeder, Cathraiche air Comataidh-gnìomha Choimisean Maoin nan Gaisgeach aig Muinntir Charnegie.
Ann an 2004, chruthaich Maoin nan Gaisgeach aig Muinntir Charnegie ann am Pittsburgh, dìreach 500 ‘Bonn-comharrachaidh Ceud Bliadhna’ gus ceud bliadhna bho chaidh a stèidheachadh le Anndra Carnegie air 15 Giblean 1904 a chomharrachadh. Is e àireamh a’ bhuinn a chaidh a bhuileachadh air an Oifigear Riaghlaidh 413.
Bidh an Coimisean ag aithneachadh gaisge phoblach air feadh nan Stàitean Aonaichte is Chanada agus tha am bonn-cuimhneachain na amhladh de bhonn Charnegie ann an 1904. Chaidh am bonn a bhuileachadh air an Oifigear Riaghlaidh mar aithneachadh air an taic a chuireas a’ Phàrlamaid ris an obair aige agus a bhith a’ cruthachadh cheanglaichean eadar muinntir Charnegie, Alba agus a’ Phàrlamaid aice.