Bile Pàirc Portobello air a thoirt a-steach dhan Phàrlamaid

26.04.2013

Chaidh Bile Comhairle Dhùn Èideann (Pàirc Portobello) a thoirt a-steach air an 25mh den Ghiblean. Is e seo bile prìobhaideach a tha Comhairle Dhùn Èideann a’ cur air adhart airson dèiligeadh leis an cnap-starra laghail a tha a’ cur stad orra bho bhith a’ togail Àrd-Sgoil Portobello ùr ann a Pàirc Portobello an-dràsta.

Airson an cnap-starra seo a chur air falbh, tha am Bile ag amais air a’ phàirc a’ shònrachadh às ùr mar “fearann coitcheann atharrachail” (alienable common good land), a bheir cead don Chomhairle a chleachdadh airson adhbharan eile, air leth dha a bhith na ghoireas cleasachail, ged a tha dreuchd a’ Chomhairle mar ùghdarras foghlam a’ bacadh na ’s urrainn dha a dhèanamh.

An latha as dèidh toirt a-steach a’ bhile seo, tòisichidh “greis gearan” a’ mhaireas 60 làithean, airson cothrom a’ thoirt do neach sam bith a tha airson gearain mu dheidhinn am bile an gearan aca a chur a-steach don Phàrlamaid.

Thèid Comataidh Bile Prìobhaideach, a ghabhas a-steach eadar triùir is còignear BPA, a’ stèidheachadh airson am bile fhèin agus gearanan sam bith a thig na aghaidh a bheachdachadh. Crìochnaichidh greis gearan a’ bhile aig 5 uairean feasgair air Diluain 24 Ògmhios.

Cùl-sgeul – Modh Bilean Prìobhaideach

Tha bilean prìobhaideach diofaraichte bho bilean eile air sgàth ’s gu bheil iad a’ gabhail a-steach ceuman air an sireadh airson math an neach neo a’ bhuidheann a tha ga chur air adhart, agus dh’fhaodadh nach eil na ceuman seo a’ còrdadh ri daoine eile.

Tha Comataidh Bile Prìobhaideach, a tha a’ gabhail a-steach BPA aig nach eil ceangal dìreach leis an neach neo a’ bhuidheann a tha ga chur air adhart no leis a’ chuspair, a’ sgrùdadh gach bile prìobhaideach.

Is e dleastanas a’ Chomataidh beachdachadh a dhèanamh air am bile agus a bhith na eadar-mheadhanair eadar an neach neo a’ bhuidheann a tha a’ cur am bile air adhart agus na daoine a tha a’ gearain mu dheidhinn. Tha comhairle agus cobhair a thaobh modha a’ tighinn bho na clàrcan ag obair aig Ionad Bilean Neo-Riaghaltas.

Tha Bilean Prìobhaideach fo smachd pròiseas aig a bheil trì ìrean.

• Ro-rannsachadh: Beachdachaidh a’ Chomataidh air bun-phrionnsabalan a’ Bhile, beachdachadh a thaobh am bu chòir dhaibh a’ Bhile a ghluasad air adhart mar Bhile Prìobhaideach, beachdachadh gearanan airson a’ chiad uair; deasbaid Pàrlamaid mu dheidhinn na bun-phrionnsabalan agus am bu chòir am Bile a ghluasad air adhart
• Beachdachadh: Beachdachadh gu mionaideach leis a’ Chomataidh, a’ gabhail a-steach atharraichean agus na puing mu dheireadh a chaidh a chur an aghaidh a’ Bhile
• Co-dhùnadh: Beachdachadh a’ Phàrlamaid mu atharraichean a chaidh a dhèanamh ris a’ Bhile agus co-dhùnadh mu dheidhinn am bu chòir gabhail ris a’ bhile neo a’ dhiùltadh

Dealbh: Àrd-Sgoil Portobello ’sa latha an-diugh, ann an Dùn Èideann, ri fhaicinn bho Suidhe Artair (Dlighe-sgrìobhaidh: Norrie Adamson, ceadaichte airson ath-chleachdadh fo Creative Commons)