30.09.2013
Bidh Comataidh Slàinte is Spòrs a’ tadhal air Lodainn an Iar an-diugh gus cruth a chur air an sgrùdadh aca air reachdas a dh’amalaicheas cùram-slàinte agus cùram sòisealta ann an Alba.
Tha e mar amas aig Bile nam Buidhnean Poblach (Co-obrachadh) Alba dèanamh cinnteach gum bi na siostaman ri slàinte agus cùram sòisealta ann an Alba ag obrachadh còmhla gus a dhèanamh cinnteach nach tèid dàil gun adhbhar a chur air daoine a’ dol don ospadal agus gun cuirear ris na h-uimhir de chùram a bheirear seachad aig an dachaigh gus neo-eisimeileachd a chumail agus leasachadh a thoirt air càileachd na beatha.
Anns a’ chathair air a’ chuairt bidh Comhairliche Lodainn an Iar airson Slàinte is Cùram Anne Nic a’ Mhaoilein.
Chì buill mar a bhios amalachadh (integration) de chùram-slàinte le cùram sòisealta ag obair ann an gnìomh. Tadhlaidh iad air ‘REACT - the Rapid Elderly Assessment Care and Treatment Team agus Reablement/Crisis Care' ann an Ospadail an Naoimh Eòin agus an uair sin air Ionad Com-pàirteachas Shrath Bhroc ann am Broxburn agus cluinntinn mun sgeama cur-air-adhart eacarsaich aca. Thèid buill den Chomataidh don Ionad Chatharra gus ionnsachadh mun Bhuidhinn-stiùiridh Fallaineachd-inntinn do Chloinn is do Dhaoine Òga.
Nì Buill an slighe gu Dùn Èideann an dèidh làimhe gus cluinntinn bho luchd-cleachdaidh sheirbheisean aig Ionad Mairsinn Neo-eisimeileach mu na beachdan aca air mar a bhios cùram amalaichte a’ bualadh air am beatha.
Contact information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
