03.02.2014
Thèid molaidhean gus aghaidh a thoirt air mì-ghnàthachadh sgeama-pàircidh nan suaicheantas gorma a sgrùdadh le Comataidh Riaghaltas Ionadail is Ath-bheothachadh aig Pàrlamaid na h-Alba.
Tha mar amas aig Bile Suaicheantais-phàircidh Dhaoine Ciorramach (Alba), a chaidh a thoirt a-steach le Dennis Dennis Robertson BPA, leasachadh a thoirt air comas nan ùghdarrasan ionadail aghaidh a thoirt air mì-ghnàthachadh an t-suaicheantais ghuirm le bhith a’ neartachadh a thaobh cur an gnìomh a tha ann an-dràsta cho math ris a’ chomas cur às do shuaicheantais agus an toirt air falbh.
Thuirt Neach-gairm na Comataidh, Caoimhin Stiùbhart BPA:
“Bheir mì-ghnàthachadh sgeama nan suaicheantas gorma buaidh mhòr a thoirt air beatha dhaoine a tha an eisimeil air a’ chomas feum a chur air àiteachan-pàircidh do chiorramaich gus cothrom fhaighinn air seirbheisean làitheil a gheibh a’ chuid eile againn gun strì. Tha sinn ag iarraidh cluinntinn bho dhaoine mun bhuaidh a bheir a leithid de mhì-ghnàthachadh air am beatha agus an toir am Bile buil sam bith.”
“Faodaidh gu bheil an coltas air ceuman leithid cur às do suaicheantais agus an toirt air falbh a bhith a’ dol thar na còrach agus seallaidh sinn gu cùramach air na molaidhean romhainn gus fhaicinn am bi am buil a tha ag iarraidh aca de bhith a’ cur seòl-bacaidh air mì-ghnàthachadh.
Cùl-fhiosrachadh
Agus e air a thoirt a-steach anns an Dùbhlachd 2013 le Dennis Robastan BPA, tha meòrachan-poileasaidh a’ Bhile ag ràdh gur h-e an t-amas a tha aige “na còraichean aig an fheadhainn aig a bheil na suaicheantais a dhìon agus frèam an sgeama mar a tha e an-dràsta a neartachadh.”
Tha am Bile a’ leigeil le ùghdarrasan ionadail cur às do shuaicheantais ma thèid an call no an goid, suaicheantas a chaidh a mhì-ghnàthachadh a thoirt air falbh agus chruthaich e eucoir ùr de bhith a’ cleachdadh suaicheantais a chuireadh às dha. Tha e cuideachd a’ toirt cumhachd do na h-ùghdarrasan ionadail daoine seach maoir-phàircidh ann an èideadh ainmeachadh gus suaicheantais a thathar a’ mì-ghnàthachadh a thoirt air falbh.
Bu mhath leis a’ Chomataidh raon farsaing de dh’fhianais a chruinneachadh mar thaic ris an rannsachadh aice agus sgaoil i gairm airson fianais Diardaoin 23 Faoilleach 2014 a gheibhear fios mu deidhinn air duilleag-lìn na Comataidh:
Gairm airson fianais
Is e an ceann-latha mu dheireadh a tha ann gus beachdan a chur a-steach Diciadain 12 Màrt 2014,
Mar a chuireas sibh na beachdan agaibh a-steach
Bu chòir freagairtean a chur, ma ghabhas e dèanamh, ann an cruth dealanach agus ann an riochd MS Word gu:
lgr.committee@scottish.parliament.uk
Faodar freagairtean ann an cruth cruaidh a chur gu:
Clàrc Chomataidh Riaghaltais Ionadail is Ath-bheothachadh
Seòmar T3.40
Pàrlamaid na h-Alba
Dùn Èideann
EH99 1SP
Contact information
Media information
Committee information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: