04.02.2014
Tha ceanglaichean agus sgrùdadh le Comataidhean Pàrlamaid na h-Eòrpa air cùisean Aonadh na h-Eòrpa air molaidh fhaighinn an-diugh bho Chomataidh Eòrpach is Dàimhean a-muigh. San aithisg aice, tha a’ Chomataidh air dealbh a thoirt air an obair a tha a’ dol air adhart am measg comataidhean na Pàrlamaid a tha a’ dèanamh cinnteach gum bi sgrùdadh èifeachdach air Riaghaltas na h-Alba mu chùisean an Aonaidh a bhios a’ buntainn gu dìreach ri Alba.
Thairis air a’ bhliadhna a chaidh seachad, tha farsaingeachd a’ bheachdachaidh air tàbhachdan an Aonaidh le Comataidhean air leudachadh, agus chaidh am modh-obrachaidh gus a dhèanamh a chur air an aon rèir. Is e an toradh air seo, a dh’aindeoin cho làn is a tha na clàran-obrach aice air a bhith, gu bheil a’ Chomataidh air a bhith èifeachdach ann am beachdachadh air cùisean an Aonaidh mar chuid bhunaiteach de na clàran-obrach aice, a’ cur cuideam air cho buntainneach agus a tha iad do phoileasaidhean agus reachdas aig an taigh.
Thuirt Neach-gairm aig Comataidh Eòrpach is Dàimhean A-muigh, Cairistìona NicShealbhaich BPA:
“Mar a tha an rannsachadh againn an-dràsta mun mhodh san rachadh Alba neo-eisimeileach na Bhall-stàite den Aonadh a’ leigeil fhaicinn, tha leithid de bhuaidh aig cùisean an Aonaidh oirnn uile. Tha e na thogail dha-rìribh an claonadh seo fhaicinn ann an sgrùdadh èifeachdach is brìoghmhor air cùisean an Aonaidh le Comataidhean na Pàrlamaid. Tha fiughair agam ri barrachd a chluinntinn bho na guaillichean agam san deasbad againn san t-Seòmar air a’ mhìos seo a thaobh mar a chuireas sinn ris an adhartas seo.”
Cùl-fhiosrachadh
Chùm Pàrlamaid na h-Alba deasbad agus dh’aontaich i ro-innleachd a thoirt a-steach mu cheanglaichean is sgrùdadh air an Aonadh san Dùbhlachd 2010. Tha an ro-innleachd a’ socrachadh àite comataidhean na Pàrlamaid gus ‘Riaghaltas na h-Alba agus na ceanglaichean aige ris an Aonadh a sgrùdadh’.
Gus an dleastanas aice a thaobh sgrùdaidh a choileanadh, dh’aontaich a’ Phàrlamaid dòigh-dèiligidh mu cheanglaichean tràth a chur ri chèile; sgrùdadh air dreachd de reachdas an Aonaidh a chur air an aon rèir gu na fo-chomataidhean; agus an dearcnachadh air atharrachadh is toirt gu buil an reachdais a chur air an aon rèir gu na fo-chomataidhean.
Am-bliadhna, dh’aontaich a’ Chomataidh gabhail ri dòigh-dèiligidh nas riaghailtiche a mu bheachdachadh air ceanglaichean is sgrùdadh air an AE far an iarrar air na comataidhean buntainneach aithisg a thoirt air na ceanglaichean agus an sgrùdadh aca thairis air a’ bhliadhna a chaidh agus na tàbhachdan aca nu sgrùdadh sa bhliadhna air thoiseach.
San àm a dh’fhalbh, shònraich comataidhean na tàbhachdan aca a rèir clàr-obrach a’ Choimisein Eòrpaich don bhliadhna air thoiseach. Am-bliadhna, dh’fheuch a’ Chomataidh ris an dòigh-dèiligidh a leudachadh le bhith ag iarraidh air na comataidhean buntainneach beachd a ghabhail cuideachd air Ro-innleachd Eòrpa 2020 agus Plana-gnìomha Riaghaltas na h-Alba mu Dhàimhean Eòrpach.
Contact information
Media information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
