10.02.2014
Thèid co-labhairt eadar-nàiseanta mu na dh’fhiosraicheas boireannaich ann am pàrlamaidean agus riochdachadh nam boireannach ann am poilitigs a chumail aig Pàrlamaid na h-Alba Didòmhnaich 16 Màrt.
Thèid an cuspair a sgrùdadh le aon dà fhichead de bhoireannaich ri Pàrlamaid agus iad a’ frithealadh air a’ chiad Cho-labhairt le Buidheann-stiùiridh Boireannaich ann am Pàrlamaidean a’ Cho-fhlaitheis Roinn Eileanan Bhreatainn agus na Mara Mheadhanach, air a chur air dòigh le Meur na h-Alba de Chomann Pàrlamaideach a’ Cho-fhlaitheis.
Nì seiseanan sgrùdadh air fiosrachadh is beachdan an luchd-phoilitigs a thug cruinn mu na dùbhlanan a thig air tagraichean poilitigeach is luchd-poilitigs a tha nam boireannaich.
Agus i a’ bruidhinn mun tachartas, thuirt Cathraiche na Buidhne-stiùiridh Patricia NicFhearghais BPA:
“Bheir a’ cho-labhairt seo boireannaich ann am pàrlamaidean còmhla gus sealltainn air beachdan practaigeach a thaobh mar a beir sinn leasachadh air adhartas gu cothromachadh eadar gnèithean anns an t-saoghal phoilitigeach. Gu cudromach, nì sinn sgrùdadh cuideachd air an àite a dh’fhaodas a bhith aig na meadhanan is na meadhanan sòisealta gus an t-amas seo a thoirt gu buil.
“Tha fios agam gum bi na guallichean agam ann am Pàrlamaid na h-Alba, gu sònraichte an fheadhainn a tha an sàs ann an Comann Pàrlamaideach a’ Cho-fhlaitheis, ag iarraidh cluinntinn bho fheadhainn eile an taobh a-muigh na h-Alba. Nuair a thug e gu cùisean cothromachaidh, tha mòran ri sgaoileadh againn agus cothrom ionnsachadh bho luchd-pàrlamaid eile.”
Am measg nan cuspairean a thèid a sgrùdadh aig a’ cho-labhairt tha:
- Mar a ghabhas leasachadh toirt air com-pàirteachas nam ban anns an t-saoghal phoilitigeach, agus cho èifeachdach agus a tha iomairtean 50/50 agus liostaichean do bhoireannaich a-mhàin.
- Sgrùdadh bheachdan practaigeach mar thaic ri Pàrlamaidean anns a bheil nas lugha de 20% de na suidheachain aig boireannaich.
- Na gnìomhan a dh’fhaodas luchd-poilitigs baineann a ghabhail gus a dhèanamh cinnteach gum bi cothrom na Fèinne aig na h-uile san lìonra aca.
- Mar a riochdaicheas na meadhanan luchd-poilitigs baineann agus na gnìomhan deimhinneach a dh’fhaodte gabhail gus cur ri mothachadh air ceistean mu ghnè.
Cùl-fhiosrachadh
Tha Meur na h-Alba de Chomann Pàrlamaideach a’ Cho-fhlaitheis ris a’ chiad Cho-labhairt de Luchd-pàrlamaid Baineann a’ Cho-fhlaitheis bho Roinn Eileanan Bhreatainn is na Mara Mheadhanach den Chomann a chumail. Thèid a’ cho-labhairt a chumail 16 Màrt 2014.
Is e cuspair na co-labhairt Cur ri Com-pàirteachas nam Ban ann am Poilitigs. Bheir a’ cho-labhairt seo an cothrom do luchd-pàrlamaid baineann às an Roinn air fad agus nas fhaide air falbh ceistean coitcheann a tha a rèir raon-ùghdarrais Buidheann-stiùiridh ùr na Roinn a dheasbad.
Thug Meur na h-Alba den Chomann cuireadh do riochdairean à Alderney, Cyprus, Eileanan Falkland, Gibraltar, Guernsey, Eilean Mhanainn, Jersey, Malta, Èirinn a Tuath, Alba, St Helena, an Rìoghachd Aonaichte agus a’ Chuimrigh. Cuideachd, thathar an dùil gum bi riochdairean bho Namibia, Papua New Guinea agus Afraga a Deas an làthair aig a’ cho-labhairt.
Tha Comataidh-gnìomha de Mheur na h-Alba den Chomann air a dhèanamh suas le ceathrar Bhall: Sandra NicIlleBhàin, Patricia NicFhearghais, Mairead Mitchell agus Tamhais Scott.
Contact information
Media information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: