17.02.2014
A bheil barrachd fios a dhìth oirbh mu na tha a’ Phàrlamaid a’ dèanamh gus dol an glaic ri droch chor taigheadas air mhàl san roinn phrìobhaideach? Neo mu mar a bhios uachdarain a’ riarachadh taigheadas sòisealta ’s a’ cur an aghaidh giùlan mì-shòisealta? A bheil sibh ag aontachadh ri moladh Riaghaltas na h-Alba a thaobh crìoch a chur air còraichean luchd-còmhnaidh taighean sòisealta a cheannach?
Bidh Comataidh Bun-structair is Cur-an-Seilbh Calpa aig Pàrlamaid na h-Alba ag èisteachd ri muinntir Dhùn Bhreatainn air na cuspairean seo is eile an ath-sheachdain nuair a thig i an ceann a chèile ann an Talla a’ Bhaile. Thig gach cuspair sin fo sgèith a’ Bhile Taigheadas (Alba) agus tha Pàrlamaid na h-Alba ag iarraidh fios a bhith aca am bi am Bile a’ cur aghaidh air prìomh amasan taigheadas nan daoine sin a tha nan còmhnaidh nar coimhearsnachdan.
Air Diluain 24 Gearran, coinnichidh riochdairean buidhnean luchd-còmhnaidh ionadail is buidhnean taigheadas ris a’ Chomataidh gus deasbadan foirmeile a chumail. Cuideachd, coinnichidh na BPAan ri oileanaich a tha ri Foghlam Nua-aimsireil ann an Acadamaidh Dhùn Bhreatainn, agus ri Comhairlichean is luchd-obrach o Chomhairle Shiorrachd Dhùn Bhreatainn an Iar.
Aig 6f, tòisichidh coinneamh fhoirmeil na Comataidh, nuair a bhios riochdairean lìonra buidhnean luchd-còmhnaidh bho air feadh Alba agus o bhuidhnean comhairleachaidh a’ phobaill a’ toirt fianaise don Chomataidh mun Bhile Taigheadas (Alba).
Aig deireadh na coinneimh foirmeil, bidh cothrom aig a’ mhòr-shluagh ceistean a chur ris a’ Chomataidh mun Bhile Taigheadas (Alba) agus mu mar a bhreithnicheas a’ Phàrlamaid air cùisean reachdail. Mar sin ma tha ceist agaibh a tha sibh ag iarraidh freagairt, nach rach sibh an conaltradh ruinn?
Post-d: ici.committee@scottish.parliament.uk
Fòn: 0131 348 5229
Leanaibh a’ Chomataidh air Twitter @SP_ICIcom
Contact information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on:
