28.03.2014
Tha beachdan mu chruthachadh buidheann ùr an urra ri inbhean ann am biadh a dhìth air Comataidh Slàinte is Spòrs agus iad a’ tòiseachadh air Bile Bidhe (Alba) a sgrùdadh.
Tha cruthachadh na buidhne ùire, Inbhe-bidhe Alba, ga mholadh an àite Buidheann-gnìomha Inbhean-bidhe na h-Alba. Bheireadh am Bile, ma thèid aonta a chur ris, barrachd chumhachdan don bhuidhinn ùir a thathar a’ moladh seachd Buidheann-gnìomha Inbhe-bidhe a tha ann an-dràsta agus cuiridh e ullachaidhean mòra air bhonn mu chur-an-gnìomh cuideachd.
Thuirt Neach-gairm na Comataidh, Donnchadh MacNèill BPA:
“Ged a tha an coltas air an reachdas seo a thathar a’ moladh nach eil ann ach atharrachadh ann an rianachd, aig cridhe seo tha rudeigin a tha gu math bunaiteach, daingneachadh sàbhailteachd a’ bhidhe a bhios sinn ag ithe.
“Bheir seo atharrachadh mòr air na h-ullachaidhean a tha ann an-dràsta, a’ toirt barrachd chumhachdan is uallachaidhean do bhuidheann-gnìomha ùr na h-Alba a thaobh poileasaidh mu riaghailt-bidhe agus bheathachadh. Tha e cudromach mar sin gun seall sinn ris a’ mhionaideachd gus a dhèanamh cinnteach gu bheil a’ bhuidheann-gnìomha seo a thathar a’ moladh a’ freagairt air an adhbhar aige.”
Thuirt Leas Neach-gairm na Comataidh, Bob Doris BPA:
“Tha a’ Chomataidh againn a’ siubhal farsaingeachd bheachdan oir bheir an reachdas seo buaidh air cuairt a’ bhidhe gu lèir. Bho na tuathanaich a bhios ag àrach ar cuid bidhe, do luchd-saothrachaidh a bhios ga dhèanamh, don luchd-reic a bhios ga reic agus mu dheireadh don luchd-chleachdaidh a bhios ga ithe.
“Tha e deatamach fhèin gun cluinn a’ Chomataidh againn beachdan farsaingeachd bheachdan mun bhuaidh a’ bheireadh a’ buidheann ùr seo agus mar a bhios i ag obrachadh thairis air cuairt a’ bhidhe bho thùs gu èis.”
Tha a’ Chomataidh ag iarraidh bheachdan air na raointean a leanas:
- Argamaidean gus buidheann ùr fa leth a chruthachadh seach cur ris na h-ullachaidhean mu Bhuidheann-gnìomha Inbhe-bidhe na h-Alba a tha ann an-dràsta;
- Farsaingeachd amasan agus dleastanasan Inbhe-bidhe Alba (IBA) agus mar a chuireadh i ri leasachadh seasmhach na h-Alba;
- Na h-ullachaidhean mu rianachd is riaghladh a thathar a’ moladh airson IBA;
- Na cumhachdan a thathar a’ moladh airson IBA;
- An comas a dh’fhaodadh a bhith aig na h-ullachaidhean ùra mu fhiosrachadh air biadh gus stad a chur air foill ann am biadh (mar a thachair le feòil-eich o chionn ghoirid);
- Na h-ullachaidhean am broinn a’ Bhile a thaobh mura gèillear do shàbhailteachd is do dh’inbhean-bidhe.
Cùl-fhiosrachadh
Ma tha sibh ag iarraidh ur cuid bheachdan mu Bhile Bidhe (Alba) a nochdadh, cuiribh ann an cruth dealanach gu healthandsport@scottish.parliament.uk iad air 7 Cèitean air a’ char as fhaide.
Contact information
Media information
Committee information
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: