14.08.2014
Tha a’ bhuaidh a bhios aig dòigh-dèiligidh Riaghaltas na h-Alba a thaobh cìsean tiomnaichte air margadh na seilbhe agus air an eaconamaidh san fharsaingeachd gu bhith air a sgrùdadh le Comataidh an Ionmhais aig Pàrlamaid na h-Alba agus i a’ tòiseachadh air sgrùdadh a dhèanamh air an dreachd de bhuidseat 2015 gu 2016.
San dreachd den bhuidseat, a tha gu bhith air a thoirt a-steach tràth san Dàmhair, bidh molaidhean am-bliadhna mu shocrachadh inbhean agus ìrean airson nan cìsean tiomnaichte, Cìs Tar-ghnìomh Fearainn agus Thogalaichean (Land and Buildings Transaction Tax) nam measg. Tha a’ Chomataidh air gairm airson fianaise a chur a-mach an-diugh (14 Lùnastal) gus beachdan fhaighinn air na molaidhean seo agus a’ bhuaidh as coltaiche a bhios air margadh na seilbhe agus air an eaconamaidh san fharsaingeachd.
Thuirt Neach-gairm na Comataidh Coinneach Gibson BPA:
“Airson a' chiad turais, tha an dreachd a’ bhuidseit gu bhith a' cur molaidhean adhart mu shuidheachadh nan ìrean airson nan cìsean tiomnaichte. Tha e cudromach gun gabh sinn an cothrom fhad is a tha sinn a’ sgrùdadh a’ bhuidseit sgrùdadh a dhèanamh air buaidh nam molaidhean seo agus na bhios seo a’ ciallachadh do mhargadh na seilbhe agus don eaconamaidh ann an Alba.
“Tha fios gum bi toirt a-steach Cìs Tar-ghnìomh Fearainn agus Thogalaichean cudromach fhèin do mhargadh na seilbhe ann an Alba. Tha sinn ag iarraidh cluinntinn an obraich molaidhean Riaghaltas na h-Alba ann an gnìomh agus an cruthaich an suidheachadh a thathar a’ moladh an siostam-cìse adhartach a tha a dhìth.”
Gabhaidh a’ Chomataidh fianais cuideachd air dreachd nam planaichean mu iasadan am broinn dreachd buidseat 2015 gu 2016 agus nì i sgrùdadh air cia mheud iasadan a thèid a thasgadh agus mar a chuidicheas seo gus toraidhean Riaghaltas na h-Alba a thoirt gu buil.
Mar thaic ri sgrùdadh na Comataidh air dreachd a’ bhuidseit, chuireadh a’ Chomataidh fàilte air beachdan air:
- an starsach airson prìs-ceannachd bann ìre neoni airson thogalaichean an dà chuid nan ionadan-còmhnaidhe agus gun a bhith; an ìre airson nam bannan-cìse eile;
- am bu chòir gum biodh barrachd no nas lugha de bhanna ann agus, mas e gum bu chòir, ìre nam bannan-cìse a bharrachd;
- am bu chòir na h-ìrean agus na bannan a shuidheachadh gus nach dèan toirt a-steach na cìse ùire an àite Cìs-fearainn Càin-stampaichean diofar sam bith san fharsaingeachd a thaobh ionmhais;
- moladh Riaghaltas na h-Alba gun tèid ìre as àirde nas ìsle a thoirt a-steach airson seilbhe far nach eilear a’ fuireach seach airson ionadan-còmhnaidhe.
Cùl-fhiosrachadh
Tha Achd Cìs Tar-ghnìomh Fearainn agus Thogalaichean (Alba) air ullachadh a dhèanamh airson structar cìse adhartach co-rèireach airson an dà chuid tar-ghnìomhan seilbhe far a bheilear agus nach eilear a’ gabhail còmhnaidhe. Tha seo a’ toirt leis banna ìre neoni agus dà bhanna eile air a’ char as lugha.
Nochd Riaghaltas na h-Alba eisimpleirean de shuidheachaidhean anns an sgrìobhainn-chomhairleachaidh aige, Taking Forward a Scottish Land and Buildings Transaction Tax (http://www.scotland.gov.uk/Resource/0039/00394544.pdf).
Tha gairm na Comataidh airson fianaise fosgailte gu Dihaoine 24 Dàmhair 2014.
Gheibhear barrachd fiosrachaidh air cur a-steach fianais don Chomataidh air duilleag-lìn na Comataidh.
http://www.scottish.parliament.uk/parliamentarybusiness/CurrentCommittees/73907.aspx
Fios conaltraidh
Fios do na meadhanan
Fios comataidh
Public information
- Telephone enquiry line: 0800 092 7500 or 0131 348 5395 (Gàidhlig)
- info@parliament.scot
- Text 07786 209 888
- Ask a question online through live chat
- We also welcome calls using the Text Relay service or in British Sign Language through contactSCOTLAND-BSL
Keep up to date with us on: